■莊思敏(右)與莊思明姊妹檔出席活動。香港文匯報訊（記者 植植）莊思敏（Jacquelin）與妹妹莊思明昨日於灣仔會展出席活動，Jacquelin表示近日感冒喉嚨發炎與發燒，已睇醫生。問她為何無端端病？Jacquelin說：「可能上星期同朋友出海，之前講明風雨不改，點知玩大咗，落好大雨！」身旁的莊思明即幸災樂禍問有否被蚊咬過，Jacquelin即說：「做咩？你以為我有登革熱？我冇畀蚊咬，你都唔關心我，只係喺IG問候吓，好似普通朋友咁。」莊思明之後還擊笑家姐「神經病」。
Jacquelin又表示好想被人照顧吓，還指着細妹笑言：「見到思明同男友楊明好似連體嬰咁，成日在我面前出現，我沒眼睇，每次都返入房。」問到思明是否已經同居？思明表示都不算，得閒就上吓來瞓。