第六場､第三班､一六五○米。「活力名駒」呂廄四歲中距離馬，上季來港初出跑田草千二就以八十六倍大冷追入一席第四；今季跑過三仗，首兩場出爭田草及泥地千二皆屬大冷門，只跟跑而返；上仗轉戰谷草一哩，擺前走快跟半程，入彎才乏力落敗只輸五個馬位；今晚換上手風正順嘅楊明綸，抽到靚檔起步，慎防施放冷箭。
第七場､第三班､一二○○米。「同樂日」馬主係新世界地產老闆大班鄭家純，這匹灰馬現時減至八十分落三班打滾必有揸拿，睇番喺外地六戰取得一冠兩亞兩季，可是在港十戰仍未一逞；今次成哥揀窄場千二出師，搵到蘇兆輝操刀已有搏殺手影。
第八場､第二班､一二○○米。「駿皇綵」上季連番拚搏仍未能一逞，予人表現戰鬥力退減，今季跑過兩仗表現依然故我，皆跟前冇後演出令人失望；今次大摩報回谷草千二，加眼罩出戰又交予潘明輝操刀，同場此子有賀廄「真先生」也不沾手，慎防今賽冷門殺個措手不及。