香港文匯報訊 名模周汶錡（Kathy）前晚出席活動，提到下月聖誕節，Kathy表示原本希望想囝囝飛到熱帶地方旅行，不過聖誕節機票賣晒，冇辦法，惟有留在屋企。Kathy話：「有次帶個大仔Jacques去沙灘游水之後，佢就好鍾意beach，所以諗住同佢去玩水。好頭痛，因為原本想訂機票去玩，但係已經冇晒機票。因為經濟太好，大家都出去玩。」
Kathy又透露細仔Avner較黐自己，經常跟着她周圍去：「冇諗過佢咁黐我，大家話佢樣生得cool，好似我。但原來好嗲，成日都要黐住媽咪。（返學畀佢同人接觸？）成日同好多小朋友玩，佢嗰種唔係唔畀我出去，係好鍾意跟住我。（老公Julien呷醋？）唔會，因為大仔黐佢，一人一個。」