第三場「動力飛鷹」近三場獲亞季軍各一，上次早段走外疊望空落第，今次用回巫顯東操刀可施回馬槍。「力王」來港唯一頭馬就係在谷草千八米錄得，最近兩場賽事中段提早發力以致末段力弱未能埋尾，今次留力後上爆一段便有力爭勝。
第四場「成才」上場初跑谷草嫌短一千米都走得有聲有色，今次落班加程已有手影隨時突如其來。「弛曜風」來港前在澳洲已贏好大閘打底，今揀谷草作初試啼聲，有望效法同主「泰山」一出即勝。
第五場「閃電王」上季曾在三班谷草大長途不敵「勁哥兒」得第二，後駒季內已贏二班賽可見賽事水準唔錯，今次對手無多之下料可取得久違了的頭馬。「神馬飛揚」來港後頭馬是在谷草二千二百米錄得，季內經過泥地兩場熱身之後，今次重返勝途上陣料目標鎖定可黃袍加身。
第六場「金碧輝煌」今季加盟丁廄後先熱身兩場，上場起用梁家俊冷門出擊可惜被「路路通」擒下得第二未竟全功，老馬狀態復甦不會保留，捲土重來有力坐正。「旅英駿爵」今季四戰雖不入三甲，但比起上年十一尾贏谷草千二米時已低三分，目前重返有利水平，料可止跌回升。
第七場「旺舖大師」今季一出即以大熱身分勝出谷草千二米開齋，翌仗全程外疊望空落第，上場縮程跑一千米得第三，今次賽前試大閘得第二，棄勝途千二再作縮程應是胸有成竹。「開心歡星」今季轉投沈廄後三戰谷草千二米俱入前四名，尤其上次跑第四都被加兩分，今次縮程跑一千米更利貫注，易廄未贏馬必有戰意。
第八場「小鳥敖翔」前仗初次渡江跑千二米只不敵「鄉村瑰寶」得第二，汲取場地經驗後上場再出立即補中之餘，更大勝三馬位而回盡顯高質，贏完操練工夫無停，連捷在望。「好得威」今季易廄後進幅理想，連續四場谷草千二米獲兩冠一亞一季，四歲馬開竅後攻勢連珠炮發，目前處於虛分之馬適應三班步速後可期更進一步，穩位望贏應可做到。