■基仔食住菠蘿油、飲住紅豆冰大談今次新碟的創作概念。香港文匯報訊 古巨基的太太Lorraine早前被影到「肚凸凸」疑似有喜， 前晚基仔為新碟《維多利亞》舉行發佈會，問他是否快將做爸爸， 基仔不置可否，自言要返去問問老婆，認真搞笑。
基仔為配合新碟《維多利亞》的懷舊主題， 前晚特地在油麻地廟街一間懷舊冰室舉行發佈會， 大吃冰食的美食兼唱新歌，問到活動為何不索性在廟街街頭舉行， 能吸引更多市民？基仔表示因喜歡這個地方， 大家又可在晚飯時間吃點東西，自己常在冰室醫肚，唱歌則屬首次， 今次配合唱片在這裡辦發佈會好有意思。基仔自爆近日胖了一點， 被太太管制飲食：「佢話我要出碟，做宣傳，16號有個音樂會， 又要開演唱會part2，所以開始嚴格管制我飲食，(剛才你已破戒？)為工作而食唔會肥，唔會吸收，哈哈。」
說到太太被影到着鬆身衫肚凸凸，是否要送上恭喜？基仔笑說：「 要問下佢，對佢唔係好了解，(你未知做爸爸， 是否未夠三個月怕小器？)我們喺屋企好少傾偈， 要特登幫大家問下。」
實名制執行上不可行
基仔定於明年四月舉行演唱會part 2，問到會否贊成採用實名制打擊黃牛黨？基仔表示：「 要想辦法打擊，但如何執行便要商討，(黃子華反對實名制， 覺得會侵犯私隱？)正如我所講所用方法可否實行， 在執行上有否問題，若然逐個名驗飛會否天黑？不可能貿貿然舉一個方法就實行，相信同業們都想尋求到一個真正打擊到黃牛黨的方法， 但相信在我開part 2時應來不及有方法出現，作為表演者希望歌迷可以用正價買到飛， (鄭伊健演唱會首日取消門市購票，只作網上售票？)黃牛黨也可用網上程式搶飛再作炒賣， 所以各大唱片公司代表聚集開會商討就最好不過，尋求出配合方法。