【資料速遞】威武再現打鐵趁熱

2019-01-15

「威武」系馬主Simon孫少文，除了近年養有團體馬「咪走寶」及「咪走雞」外，近年大力支持馬會嘅國際馬匹拍賣會，最近兩個馬季一口氣買咗三匹拍賣馬，最早買入的「威武再現」，上場在谷草千二順利開齋。點解咁鍾意買香港拍賣馬？孫少文就話馬會拍賣馬公平、公正，貨源有晒保證。正因為係咁，雖然佢另外兩匹拍賣馬「威武風采」同「威武承傳」尚未有表現交出，但既然「威武再現」上次已在谷草順利贏馬破悶局，今次升上三班減磅更利發揮，叫得馬名用「威武」，當然希望可威完再威，孫少文有機會拉頭馬延續「威武」落去。