【資料速遞】為善聚樂連捷機高

2019-01-22

麥菲文散倉後現時香港只剩下廿一個馬房，以每個馬房養馬量六十匹計，如果全部爆倉，香港便有千二匹馬，當然北上從化開倉的練者有多十個馬格，所以雖然大倉的名額搶手，另一方面細倉不再細，有部分馬匹如果大倉不能接收，自然落入中小型馬房手上。以鄭俊偉目前養馬量四十九匹，現時只交出六場頭馬，可以話略為偏少，但未算不合理，以鄭廄的兵力，其實接近三分一係質新馬，只要並非太弱的話應有贏馬能力，估計今季達標並非不可能，好似今次匹「為善聚樂」，上場谷草千八米用雷神兜大彎照贏馬，今次加程料一樣可勝任。