■黃美棋(左三)開店，男友鍾健威(右一)亦到場打點。香港文匯報訊（記者 李思穎）黃美棋與六位美國讀書時的朋友合資開設的餐廳昨日開張之喜，除了美棋男友鍾健威如同半個男主人到場打點，圈中好友林盛斌、蝦頭都有現身到賀。
大家取笑美棋和男友如同兩公婆，美棋冧笑說：「未係兩公婆，不過他好好，專登來幫手，今次自己投資有六位數字，唔算好多，我由細到大有心願開餐廳，終於可以成真，在美國讀書時經常吃同學炮製台式飯麵，很想保留這味道，已經學齊煮法。」
鍾健威指女友一向節儉，有信心先會做老闆，自己無投資，但有幫手改菜名，否則給她改便會出事，「她試過把一味胡椒蝦改為『隨波逐流胡椒蝦』，聽到個名感覺這些蝦不大新鮮，我幫她更改過。」，美棋自言：「我改名比較鬼馬，有人提議用『BB雞粥』，但我不想用自己BB的花名，而我將珍珠奶茶改為『波濤胸湧鮮奶茶』。」穿上Tube top外披西裝褸的她，搞笑問：「係咪要着比堅尼賣鮮奶？」問到鍾健威介意女友性感嗎？他說：「我也是剛看到她這身打扮，靚呀，都滿意，今（昨）日打扮算性感，尺度可以接受。」隨即美棋自爆：「日前到銀行時，其間打開汽水，沒料扭開瓶蓋後有汽水湧出，弄濕櫃枱感到不好意思，已即時道歉，但在做生意角度是水為財，很好意頭。」