第六場「快馬飛馳」血統屬早熟短途性能，上場在港初出因為在閘前扭計影響作戰情緒，因此落敗賽績宜作保留，質新馬汲取一場實戰經驗再來有望提升名次。「宜春之星」上場漫不經意衝入第三名，四歲馬全面露光，今次試準而來有力拚勝。
第七場「駿王」上季曾在四班千六米壓倒「紅麗舍」、「南莊加寶」贏馬，後兩駒季內已先後報捷可見賽事水準不弱，現評分比贏馬時已低一分重拾優勢，今次打王牌而來目標鎖定，值得捧場。「活力飛彈」近三戰田草獲一冠兩季成績，今次增程千六米上陣更合腳法，有力再接再厲。
第八場「英之友」上仗交由巫顯東執韁，賽後騎師報告坐騎搶口致敗，看來是鞍上人未能駕馭馬匹，今次換上潘頓執韁值得信賴。「加州多寶」前仗千二米不敵「春花秋月」跑第二，上次嘗試加程千四米但無功而回，今次立即重返上名路程上陣必定會拚個明白。
第九場「日日精彩」近兩場贏來不費吹灰之力，前仗先在泥地打開勝門，上次升班轉場再下一城，目前評七十四分仲有大幅上升空間，三班過客有力再建一功。「牛角仔」初出跑第二名，上次立即輕鬆補中，復課贏好泥閘準備一絲不苟，當起馬把握當前勇態，升班冇有怕。
第十場「開懷大少」上仗出戰三班千六米以最快末段時間衝入第五名，證明勇況未減，今次原庄配搭巫顯東繼續出戰同程，有望收復失地。「友誼至好」於愛爾蘭出賽五次取兩冠一亞，兩捷皆為千四米，近仗二班走勢已覺山雨欲來，今次落三班作增程安排，提防一網打盡。
第十一場「美麗標緻」在澳洲出賽兩次，初出贏處女馬賽姿態不算超班，但再出升班增程挑戰悉尼兩歲三冠王尾關一級賽香檳錦標跑第四表現有驚喜，上場在港初出熱身跑近，今次提防一步到位。「勝得精彩」三歲仔四戰四捷戰績固然彪炳，但新升二班加程難度不少，按目前進度提防贏到你唔信。