■菊梓喬香港文匯報訊（記者 梁靜儀）菊梓喬（Hana）昨日到新城宣傳劇集《鐵探》片尾曲《鋼鐵有淚》，有傳主題曲原定是胡鴻鈞唱，但因他態度囂張改由鄭俊弘（Fred）「執二攤」？Hana說：「只知係Fred唱，開心聽到佢有新歌，（盛傳胡鴻鈞被公司雪藏？）點會呀？呢排佢忙緊拍劇。」
談到有報道指吳業坤因不想唱K歌而欲轉唱片公司，主力唱劇集歌曲的Hana被問到可介意唱K歌？她說：「我從來都唔會界定係劇集、K歌定商業歌，我鍾意音樂，只要好聽就得，唔會定個框框，(又怪不得老闆何哲圖咁撐你？)關咩事。」當問到可試過推歌？她就想一想才說：「未唱過兒歌，頭先主持話有好多三歲以下小朋友都鍾意我的歌，可能我聲音夠溫柔舒服，都可以試吓唱兒歌，（證明你的歌夠洗腦？）可能啦，我的歌教人要勇敢。」日前Hana上載了一張疑似喊到眼腫的相到社交網，Hana否認是喊到眼腫：「係冇化妝，仲要低炒影，完全沒喊過，自己沒化妝個樣好男仔，觀眾好少見到我呢一面，想畀大家睇睇。」