第六場､第四班､一二○○米。「極速神驅」前次服役初出跑直路賽，被捧成不足兩倍大熱，臨場賽前曾在馬匹亮相圈拋下莫雷拉，當時雷神不幸墮地，後來人馬如常上陣，未知是否因而影響年輕馬嘅角逐情緒，結果只跑得第七名；上仗轉戰田草千二，快跟唔散跑第五；今次轉戰窄場千二，如能克服外檔難度，小心半冷門施放冷箭。
第七場､第二班､一六五○米。「喜裝寶」挾着一級賽馬報錦標冠軍來港，但係來港後十四戰僅得一席亞軍；自轉投方廄後長時期於從化操練，埋門再試千二草閘後上輕勝，態況已重拾正軌，今次初配潘頓競逐谷草一哩，臨場有飛不可不防。
第八場､第三班､一六五○米。「馬索爾」在港九戰只在田草一哩贏得一W，看上仗配雷神出爭田草千八均速入Q，只負「天池怪俠」半個馬位乃不俗績賽；拚後細粒仔一直操而不戰，今次老蔡突揀谷草一哩誓師，避開一批沙田惡馬，只要快閘切入守好位當有拚勝分量。