今晚谷草跑八場賽事，以B欄C彎跑道作賽，頭場晚上七時十五分開跑，全晚唯一盃賽是由四班馬跑一哩爭逐香港欖球總會盃。練馬師方面，告東尼及沈集成均派出多匹實力馬參戰，相信是出擊時候，可優先留意。騎師方面，潘頓、田泰安及雷神之坐騎皆甚具爭勝機會，可作為扶手棍看待。
第一場、第五班、一六五○米。「怡德」八歲老馬季初於五班谷草一哩取勝，該場的三、四名「為善聚樂」及「葵涌老友」接戰即可補中，反映並非一般五班賽水準；上賽配田泰安縮爭盲門田草千四，結果臨老先至打破數據首度躋身三甲，反映牠現階段於五班再爭一哩，既然田草也能上名，今仗回師首本戲當有望取得今季第二W。
第二場、第四班、一○○○米。「阿凡達」今季跑過八次，當中四戰谷草一千米跑獲三亞一季成績未甩三甲；上月中曾喺從化馬場出爭千二米，七檔起步快閘全程守在第三位，最後過終點都係第三；今次再爭窄場一千路合之餘，賽前備戰尚算充份，排黃金一檔配雷神操刀，只要快閘放出可打破悶局。
第三場、第三班、一二○○米。「上海大師」乃此程專家，上季最後五戰獲一冠兩亞一季；今季初出再戰同程，沿途走四疊，轉彎更繞出走大外疊蝕位無數，最後負於頭馬兩個多馬位，與其差不多位置而回的「幸運興隆」再出差點補中，因此「上海大師」翌仗即在谷草同程補中；拚後升上二班如坐馬監，現時減回季初贏馬時的七十六分，跑出水準隨時可勝。
第四場、第四班、一六五○米。「埼豐」上季曾三勝此程，最高分曾經在五十分贏馬，之後練者以寓賽於操手法部署一輪減分，終於成功在今季初評四十分再次贏馬，而賽事特別之處是牠評四十分可跑五班賽，但係偏偏喺四班一哩贏馬，明顯是馬匹喺四班下游分數必有討價還價之力，故此上仗配吳嘉晉爭此程也能入位；復課所見依然佳態洋溢，今仗於四班負輕磅再戰一哩強項，馬膽在此。
第五場、第三班、一二○○米。「好得威」今季由賢廄轉由告東尼訓練，成績三級跳累積了三冠三亞兩季一殿，到前賽亦終於征服三班，當然馬兒能夠多番入圍，足證喺班次方面不存在壓力。「好得威」上次轉戰泥地千二明顯屬回氣性質；今賽回師谷草千二正宗路程上陣，大部分對手似是而非，只要交出水準有力再贏。
第六場、第四班、一二○○米。「牛精大哥」遲熟中短途馬，最近三仗喺四及五班賽事放頭跑，當中前仗就喺五班谷草千二米一放到底開糊；上仗回師四班，雖然對手不同有不明朗因素，但既然五班贏馬一役締速有三班水準，可見幕後爭勝信心亦頗強，結果全程搶放下跑入接近的第二；今次趁勇再戰，爭勝機會仍可看俏。
第七場、第二班、一六五○米。「嘉應之星」是匹跑法偏向均速的馬，上仗出戰打吡大賽，排二檔起步一早擺前走，可是轉入直路乏力只跑第十；其實翻看前仗出爭田草千八，早段鞍上人採用稍留跑法，末段仍見有力追馬，終點前能再次逼近在前的「達龍駒」，換言之牠也不是獨沽一味純靠領放爭勝；今次渡江縮爭一哩，轉場出擊可殺出一條血路。
第八場、第三班、一六五○米。「黃金甲」今季以八十六分自購馬身份來港，前仗轉戰谷草一哩，十五倍冷門沿途守在四五位，最後力拚僅負兩馬位；上仗縮戰田草千四，留後亦追得兩咀，今次練者報回三班谷草一哩，環看對手實力爾爾，只要交回前仗水準，當可一嚐頭馬滋味。