【資料速遞】易勝相吸伺機偷襲

2019-04-23

羅富全早前連贏八期，另一邊廂大摩氣勢亦唔弱，近期賽事密食當三番，目前排名練馬師榜前幾名，加上下個馬季七十歲榮休，目前階段已無保留必要。大摩在港從練三十多年，合共七奪香港冠軍練馬師寶座，對上一次奪冠要數到係2014至2015年馬季，難得馬房近期氣勢咁勁，會唔會加多兩錢肉緊爭冠，再嘗冠軍滋味？現階段當然言之尚早，起碼要等多一個月形勢明朗，先估計到有冇得追。不過，大摩今季成績令人滿意，成功走出上季低潮期，而目前廐內亦有唔少質新分子，餘下馬季估計可多取十多場頭馬，好似今次「高瞻遠矚」及「易勝相吸」都係質新未用過之馬，提防今次平地一聲雷。