■霆鋒(左)下廚給兩位「徒弟」。香港文匯報訊 由謝霆鋒主理的《鋒味前奏》日前播出第八集，劉翁與火火食喇沙食得津津有味，不過食的同時都不忘跟「師傅」霆鋒吹水。劉翁問霆鋒是否喜歡台灣的小店，例如食滷肉飯的店。霆鋒聽到即刻「嘩」了一聲再回應：「好食的地方永遠都係人少少，你睇好食嘅日本嬰傖N超過12個人嘅座位？其實好少見。」霆鋒表示，自己最喜歡的台灣美食是薑母鴨，是由好多不同的藥材、麻油、鴨骨，煲成一個濃郁的湯底。劉翁聽到後就將薑母鴨理解成「鴨版的醉雞鍋」，令火火和霆鋒都忍不住爆笑。
兩位「徒弟」食得七七八八，霆鋒才開始幫自己碗盛喇沙擺盤，火火望到霆鋒碗麵擺得如此漂亮都自感慚愧。雖然霆鋒指自己不是每次都會那麼花心機擺盤，但就被劉翁指他執擺盤比執自己個樣更緊張：「佢成日唔化妝㗎喎。」霆鋒指自己都不知為何要化妝，還表示如果要化妝，他會好「炆憎」，然後火火再加一句：「佢個樣唔使執啊嘛大佬」。
霆鋒又稱下廚對他來說是一種修行，令他學識做人不可以太執着，以及時間管理，例如怎樣可以上齊八道菜，保持每道菜還是暖的，在寫餐單時已經要編排好個煮食次序，「每一道菜都暖，咁呢餐飯就溫暖啦！」