■許廷鏗笑稱自己自大。香港文匯報訊（記者 梁靜儀）許廷鏗（Alfred）、鄭融及陳健安（On仔）等前晚到油塘出席港台《選民登記啟動禮》，呼籲公眾登記成為選民。 近日盛傳Alfred好友胡鴻鈞因太囂張被公司雪藏，對此，Alfred覺得只是傳聞，不太相信，並笑言覺得自己更自大，又說：「我叻過胡鴻鈞！」
日前31歲生日的Alfred慨嘆時間過得快，轉眼已入行十年，他還記得當年參加比賽時介紹自己是牙科學生，當年21歲，不過自覺仍很年輕，他笑說：「仲好年輕，機能都OK，但如果冇做呢行，身形有機會脹大，因為我好鍾意食，做牙醫又成日坐，見返啲同學唔同咗樣，有啲唔止脹咗兩個碼，不過自己都試過脹咗一個碼。」
無意效法坤哥操肌
他透露演唱會後仍有Keep Fit ，問到可會效法好友吳業坤（坤哥）操到八塊腹肌？他就無意效法：「佢太瘦、太乾，自己着重把聲，教練話如果我操得太乾太瘦會影響把聲，Joyce（鄭欣宜）同Mag（林欣彤）都口徑一致叫我唔使太瘦，會顯得個鼻太大，佔咗塊臉三分一。」談到生日願望是什麼？Alfred 笑謂希望Keep 到身形，以及新歌《單數》多人收聽。
另外，問到Alfred 可有安撫近日盛傳因太囂張被公司雪藏的好友胡鴻鈞？Alfred聞言即反問：「唔係嘛？啲傳聞得啖笑，對方拍劇有段時間冇見面，我生日胡鴻鈞都有到一到，若雪藏都唔會繼續拍劇，每個巨星幫都盡能力做好自己崗位，佢哋拍戲、唱歌好多瓣數，我都有啲自楔ㄕp，自己只係唱歌一瓣，（信唔信胡鴻鈞囂張？）我唔覺佢自大，我就會，我就叻過胡鴻鈞，相信只係傳媒炒作。」
鄭融望爭取更多產假
鄭融透露本身是選民，亦有盡公民責任投票，而她較為關注女性權益：「作為女性希望可以爭取多啲產假。（打算生仔？)唔係為自己，我要放嘅產假都唔同，唔關事，係因為見朋友生完好辛苦，又要照顧BB同返工，又或者多啲婦女培訓，畀多啲讀書唔多嘅婦女多啲工作機會，等佢哋經濟獨立。至於自己呢個行業，如果政府多支持藝術、演藝界發展當然好啦。」