■陳嘉桓香港文匯報訊（記者 梁靜儀）陳嘉桓（Rose）昨日出席《「紙」愛膠帶藝術迎五一及母親節》記者會，Rose自言是文具控，見到得意可愛的文具都會收藏。而Rose的媽媽及同母異父弟弟亦有到場支持，Rose的媽咪就用手機幫愛女拍照，小弟弟就搞笑學姐姐擺甫士影相。
認近日心廣體胖
穿上Tube-top及超短裙騷長腿的Rose明顯有點發福，她承認乃最近心廣體胖所致：「開心嘛，之前要排練金像獎演出，日日食生果，忙完後個人放鬆咗，就食返鍾意的Pizza同炸雞嚟煲劇，朋友叫我出街都冇出，所以趁有時間就同媽咪細佬出街。」她謂都要開始Keep Fit，因為即將要拍師父的新戲，是一部輕鬆愛情片，她飾演性感女秘書，跟陳煒、關禮傑及王賢誌合作。
近日與黃宗澤（Bosco）傳出緋聞的Rose，被問到今個母親節會否與Bosco的媽媽慶祝？她即笑說：「咁咪好忙？照顧咗我阿媽先啦，（是否跟Bosco拍拖？）你叫我點答你？唔係呀，我講過想識台灣男仔，我啲普通話都OK，但仲未有呢個人出現，慢慢嚟，未搵到個啱自己。」