■林卓廷「推手」陰招在網上瘋傳。 網上截圖上星期六有關《逃犯條例》修訂嘅法案委員會中，全香港都見到「新民主同盟」范國威、「議會陣線」朱凱廸班人幾咁野蠻，但啲陰啲陰啲嘅議員就唔係咁容易發現。民建聯議員陳克勤前日就喺facebook貼咗段片，分享奇觀。片中見到民主黨議員林卓廷一邊扮和事佬勸交，一邊就出手推走保安人員，再一步步行前。陳克勤揶揄呢啲係「『泛民』特色勸交」，「睇下呢位前調查員（指林卓廷），你就知『泛民』的卑劣。」
陳克勤段片呢兩日都喺網上瘋傳，唔少網民都留言鬧爆林卓廷嘅無恥行為。「Winnie Hung」直斥︰「卑鄙無恥！」「李得」話︰「『泛民』質素係咁上下。」「Zoe Yuen」怒言︰「呢D（啲）就是所謂議員嗎？修（羞）家！解散議會吧！」「Soo Lin Choi」揶揄︰「畸人奇技。」「Wai Cheung Ho」反問︰「香港D（啲）所謂『民主戰士』......幾時有民主過？」「Winnie Tang」寸佢哋︰「成班去拍戲好過啦，哂（嘥）精神，無聊！」「Canny Law」話︰「呢啲咪叫做講一套做一套囉。」 ■香港文匯報記者 甘瑜
