【資料速遞】韋小寶千四更合適

2019-05-17

馬季流流長，真係咩事都會發生，好似一早帶甩嘅蔡約翰，以為可以輕描淡寫連續四年登上練馬師冠軍寶座，誰不知近期呢個馬房好似冇入油咁，俾全哥同大摩喪追，形勢逆轉到咁，真係有啲始料不及。至於榜尾另一位練馬師蘇保羅，呢位從化倉主今年要十八場頭馬先至畢業，但去到三月尾，呢位仁兄都只係贏得九場頭馬，點知蘇保羅唔止贏夠數，仲反彈到過埋龍添，上周六起埋個孖贏到十九場有突。睇番蘇保羅馬房近十二期賽事，係狂執六冠九亞四季，點到你唔服，呢一排蘇保羅搏馬準繩度咁高，唔知仲以為係big 4咁勁，今次「韋小寶」棄贏馬千二作加程千四米，擺明狗上瓦坑。