■右起：戴祖儀、吳若希、譚玉瑛、杜如風、鄺潔楹及陳詩欣宣傳新節目《8個香港》。香港文匯報訊（記者 梁靜儀） 譚玉瑛、吳若希（Jinny）、戴祖儀（Joey）、杜如風、鄺潔楹及陳詩欣等昨日出席無綫新節目《8個香港》宣傳活動，節目會以八位女性角度深入介紹香港。
譚玉瑛表示今次繼續飲飲食食，負責最在行的飲食部分，最難忘是介紹酒配美食之好去處。她又跟Jinny 及Joey去葵涌廣場掃街，因從未去過，覺得好有趣。
Jinny表示因香港地少人多，節目中她會深入介紹香港不同的情趣酒店，以解決空間及土地問題：「我會帶大家去唔同房間，幫兩公婆、情侶發掘唔同嘅地方畀佢哋發揮。（當中有冇係你嘅私竇？）等公司發掘。（去過未？）我同老公喺屋企都有足夠私人空間，如果過兩年覺得佢悶先去培養感情，暫時都未悶。」問到對情趣酒店的主題喜好？Jinny大笑話：「浪漫對女人好重要。（使唔使要水床、圓床、有好多鏡？）呢啲太Old School，我屋企都擺唔落水床，自己冇乜特別喜好，鍾意私人啲、屬於自己嘅嘢就得。」身旁的Joey 就提醒Jinny：「水床好易爛，穿咗搞到成地都係水。」Jinny 即笑問她是否有去過？Joey即解釋：「我係聽講過，有新聞講過啲水床好易穿，所以好危險。」再問到Jinny去情趣酒店拍攝時可會感尷尬？她坦言都有點尷尬：「有去啲高級、平價酒店，雖然係朝早拍，但見到樓下有好多燈箱，出入時啲人會望多兩眼。」
至於Joey就會去青年人喜愛的貼地地方，來自馬來西亞的她，帶了Jinny食馬來西亞菜，並即場致電爸爸學講馬來西亞話，再教Jinny。
明日Jinny就會聯同胡鴻鈞（Hubert）飛美國開騷，早前Hubert拍劇撞傷頭入院，Jinny 指他身體狀況OK，可以如期開騷：「我冇再去探佢，有同佢聯絡夾着咩衫，見佢同Alfred（許廷鏗）打麻雀，Alfred仲諗住當佢魚腩咁劏但失敗。」