■單身的唐詩詠表示好想認識新朋友。唐詩詠（Natalie）被喻為絕世好女友，可惜每次拍拖都無疾而終。唐詩詠已到適婚年齡，大家都曾關注過她過往的愛情經歷，有人替她着急，她卻寧願單身亦不急於結婚。對於感情事，首次認單身的Natalie表示自己已經比以往打開心扉，樂意去認識不同界別的人。看來，想追求Natalie要努力出招了。
唐詩詠的清純女神形象健康，被網民稱十分「Girlfriendable」和「理想女友」。入行以來，為人最熟悉的就是同崔建邦及洪永城的兩段公開的戀情。2017年5月，唐詩詠同崔建邦宣佈正式分手。2年後的這一刻，單身的唐詩詠大方話比大家知，她正在等有心人追求。
「其實我好Welcome同任何人食飯，𠵱家冇以前個人咁繃緊。因為好想去認識唔同界別嘅人，等於我今次拍呢度你認識咗好多唔同嘅醫生， 所以我覺得認識唔同嘅朋友係好好嘅事，咁樣對於我嘅演戲亦有唔同嘅幫助，愛情我就覺得只要我開咗呢度門，她就會嚟。 但係她幾時嚟我就唔知，會慢慢等囉，我會畀時間給她。大家說我是『絕世好女友』，讚讚而已，追我的千萬別有壓力。不是做呢行的人同我交往已經好大壓力，所以做男人或女人都沒有好與不好，同另一半就只有夾唔夾。我在等待追求者，以前會怕識一些同自己相差太遠的人，現在會試吓在他們的世界去感覺，每個世界的人面對的壓力也不同，挑戰也不同，你會發現不是自己最辛苦。」Natalie說。
Samuel只是普通朋友
今年年頭，唐詩詠被傳同有「教育界王力宏」之稱的Samuel（陳思銘）拍拖，雙方孖住行山，Natalie更去男方大家姐的餐廳，食飯捧場。原本以為Natalie疑似低調宣告有戀情，但Natalie堅稱男方只是普通吃飯的朋友。至於將來拍拖，也未必公開。
「我諗我唔會選擇好公開，當然呢個係我的決定，再要睇睇到時候另一半的諗法。你要明白每一個人的諗法都唔同，如果未來另一半佢好想公開，就公開。係需要到時候大家一個共識。純粹我自己個人，就唔會選擇公開，我會希望我有一個空間畀我自己。在我來說，婚姻是神聖的事，兩個人選擇了一齊，有困難應該一齊面對，為什麼要選擇分開。因為我屋企的問題（離婚家庭成長），在我眼中，他們（父母）沒有好努力過。有這深深的記憶，對於愛情，我會努力到最後。可能大家都會覺得點解你要咁努力？可能唔明白我的堅持喺邊個位，但我覺得我去到最後一刻，努力過，真係唔得，我先會放棄。像《白色強人》中，我一直有疑惑，點解唐明（馬國明飾）與蘇怡（唐詩詠飾）要離婚。」
同馬明拍親熱戲不尷尬
2017年憑劇集《不懂撒嬌的女人》上位並奪得視后，「入屋」形象令她成為無綫花旦中的廣告女王。而《白色強人》本周結局篇，唐明與蘇怡這一對Sweet到爆，讓觀眾睇得好投入。5年前蘇怡因為受工作狂的老公唐明冷落而離婚，5年後他們在明成北醫院重遇，蘇怡已成為急症室醫生。唐明加入明成北，兩人成為同事後，原來還是念念不忘對方，愛火重燃！晚晚看着二人在互動，一時頭碰頭的關懷，手拖手的鼓勵，又有愛的抱抱，甜到膩。相信唐詩詠與馬國明這一對是不少人心目中最受歡迎的熒幕情侶。
「首先我由八年前開始睇緊一套關於醫生的美劇， 所以我今次揣摩角色，已經由八年前開始。所以我好肯定自己，第一日入急症室已經知道個狀態係點。而我亦期待咗呢個角色8年。 所以我收到劇本嘅時候好興奮，因為我好鍾意睇嗰個美劇，好鍾意睇醫療劇的原因係包含咗好多人性喺入邊。生與死，亦都睇到人性最美好的一樣嘢，就是犧牲自己去救另外一個人，係一件好美好的事。好開心大家好接受唐明與蘇怡這一對，也因為我同馬國明好熟，拍親熱戲沒有尷尬，基本上沒有NG。我知大家網民覺得我同馬國明應該拍拖，我們有一齊，喺個劇中囉。希望如果此劇開續集，我們劇中可以繼續一齊。」
INFO
採攝：植毅儀
Shirt: @sandroparis
Tube dress: @mocohk
Heels: @stuartweitzman
Accessories:@apmmonaco #styledbyanton
Make up : Jessica chan
Hair : eve
Venue: Morokok