「香港民族陣綫」一成員涉嫌藏有爆炸品被捕，該組織隨即回應稱「該倉庫一直僅作為存放音響及其他宣傳物資之用」。有激進分子就聲稱是次係警方「砌生豬肉」，但不少網民留言揶揄該組織是在割蓆，敢做唔敢認。
激進友盲撐「掟核彈都唔割蓆」
「香港民族陣綫」在帖文中聲稱，「該倉庫一直僅作為存放音響及其他宣傳物資之用，未知為何會有爆炸品在該單位當中。」激進分子紛紛留言，誣衊警方是「砌生豬肉」。「Victor Wong」詭辯稱：「反正有包肥料都可以屈你有炸藥原料，武器更加唔駛（使）講，安全帽口罩膠袋菜刀遮全部都係武器，人人屋企都可以係軍火庫。」
「Joanne Tsang」寸道：「人贓並獲都可以話砌生豬肉，唔該攞啲証（證）據出嚟，証（證）明你係比（俾）人砌，做得到...（......）我即刻藍轉黃！」「Venus Ma」亦話：「當下你地（哋）成員被捕，若真係被警察誣蔑（衊）相信實即刻開直播網上風（瘋）傳，不甘被屈。同以民陣作風如果真係唔知同無既（嘅）。實將事情搞大，會咁順從？」
「Rayson Kwok」就想起「港獨」組織最常掛在口邊的「以死相搏」這句話，直言：「你哋班暴徒，死都唔怕，怕俾人屈？」「Samuel Ng」就質疑「香港民族陣綫」所謂「未知為何會有爆炸品在該單位當中」這說法，是在與被捕者割席：「同佢唔係好熟咋！佢個人行為同組織無關！」
■香港文匯報記者 陳川