■杜志烜大讚太太何思諺是推理高手。香港文匯報訊 （記者 梁靜儀）杜志烜（Tom）與太太何思諺（Leanne）昨日到九龍灣為ViuTV的遊戲節目《估你唔到》錄影，Tom笑指這是一個推理遊戲節目，覺得很適合太太玩：「我要在遊戲中觀察佢個Scanner能力有幾勁，以後加以防範，因為我平時買嘢、買鼓唔想畀佢知。」Leanne笑指老公一緊張就會連續眨眼三次。Tom笑謂現在要訓練自己不眨眼。
他又指節目是測試夫妻間的默契：「今次我們要做對史上最夾情侶，發生乜事都唔會鬧交，要忍住，返屋企先鬧。」問到他們平日可會在兒子面前鬧交？Tom表示平時都唔多鬧交，鬧交都是為件事，不是針對對方，會拿出來討論，兒子就會幫他們分析，是他們之間的和事佬。
提到暑假會否出外旅行，Tom透露剛去完日本旅行，因太太一直有心願想偕同家人去玩，所以這次他們一家三口聯同Leanne的父母和兩個妹妹一行七人去日本旅行。Leanne就爆老公呻旅行攰過返工。Tom即解釋：「係肉體上的攰，但精神上係開心，因為旅行時只享受同屋企人相處，完全放低工作，係個幾好的洗腦。」