【資料速遞】韋小寶升班繼續贏

2019-11-29

著名小說家金庸筆下嘅《鹿鼎記》，主角韋小寶一世行運，雖然目不識丁、武藝低微，但機智重義，有七個老婆豔福無邊，當然令人羨慕，至於馬場亦有一位「韋小寶」，佢就係馬主韋浩文，小時佢乳名叫「小寶」，咁就俾人叫咗「韋小寶」。韋浩文其實係一位慈善家，佢係東華三院第四副主席，但韋浩文愛駒「韋小寶」已閹，雄風不再，難享齊人之福，惟馬匹表現卻令人喜出望外；此駒由「狂舞派」馬主周邦華引入，上季來港初出谷草落第之後，轉來田草跨季五場獲兩冠一亞一季一殿全入前四名，當中開齋一役是於去季角逐四班田草千二米，當時擊倒「惜多福」、「漸信龍駒」及「同盟力量」；今季初出練馬師安排縮程列陣跑直路賽，結果留前鬥後跑獲第三；上次加眼罩下負頂磅列陣，即順利補中贏馬，擒下質新分子「小太陽」，屬水準不俗之作；今次上班減磅形勢更妙，乘勇可梅開二度。