■《飲食男女》稱江永祥光顧店舖為「死亡之吻」。飲食男女網站截圖連續半年嘅暴力事件已經令香港經濟陷入寒冬，好多小商戶生意慘淡，甚至瀕臨結業。不過，壹傳媒旗下嘅《飲食男女》作為媒體，就刻意挑撥社會分裂同埋矛盾，煽動「黃絲」打壓小商舖，朝生計困難嘅小店踩多一腳。有店員發表唔啱岒�嘅言論，即被佢哋大肆攻擊，搞到店主要求個店員「退休」，就連有警察幫襯嘅店舖亦都成為佢哋帶頭「罷食」嘅目標，真係為咗令社會撕裂、打壓不同意見者完全不擇手段。
作為眾多「黃絲」嘅行為風向標，壹傳媒當然唔會放過任何挑撥社會矛盾、令香港不得安寧嘅機會。佢哋利用旗下嘅《飲食男女》從飲食入手，杯葛與自己政治立場唔同，甚至招待警員嘅小店，更大言不慚聲稱「在抗暴之戰中，餐廳立場凌駕一切」云云，為咗自己嘅政治目的，完全唔顧普通市民嘅死活。
員工鬧學生「被退休」
《飲食男女》早前就貼出對港大附近「可可店」嘅所謂「食評」，但個「食評」就唔係評論食物，而係針對其中一個餐廳員工同個可能係休班警員嘅食客閒聊嘅對話內容。個「食評」就話佢哋談及近期嘅政治運動，內容就包埋話「學生」係「暴徒」、「政府應該趁早打壓學生」等。
屈送學生炒粉麵飯
係唔係就話要爭取「言論自由」嘅「黃媒」、「黃絲」梗係唔會尊重人哋嘅自由，所以就攞住店員嘅對話內容，煽動「黃絲」討伐間店舖，整到間舖人煙稀少，更有好多人喺《飲食男女》嘅facebook帖文下留言要罷食，睇佢幾時執笠云云。逼到呢個餐廳「禁止員工在工作期間討論政治」，但就騰出空間畀「學生」做所謂「連儂牆」，更要設「學生感謝日」免費送炒粉麵飯送飲品，仲要畀足半個月嘅學生半價優惠𠻹！
阿Sir幫襯即煽搞破壞
另外一間喺灣仔經營咗六十幾年嘅華南粉麵茶餐廳仲慘，都係因為被《飲食男女》盯上，但個原因就係警察公共關係科高級警司江永祥光顧。《飲食男女》就不斷渲染有好多網民對間店舖不公道嘅言論，更藉機講咗好多﹕「見到佢真係好唔開胃，咁鍾意講大話送杯凍×茶比（畀）佢」、「叫佢去安全島食，支持吓前線」等仇警言論，繼續煽動警民矛盾，又有網民借勢煽動大家「罷食」、「裝修」云云。《飲食男女》話就話警察幫襯店舖係畀店舖「死亡之吻」，但你支筆係「死亡之筆」就係真。 ■香港文匯報記者 杜思文
