香港文匯報訊（記者 梁靜儀）關楚耀與王灝兒（JW）昨日到油塘出席聖誕活動，二人除與現場觀眾玩遊戲，又即場獻唱，大受歡迎。
昨日是聖誕節，雖然要工作，但關楚耀表示很開心可以見到歌迷、同事，及跟JW唱歌， 完成工作後晚上他會與家人及女友一起慶祝：「兩個人sweet，但係（食嘢）方面就少啲選擇，成班人開party開心啲，我哋會每人煮一樣食物，我又鍾意下廚，會整下意粉、焗豬扒飯。」
JW亦稱喜歡與家人和朋友開派對慶祝聖誕，會比較熱鬧，而且平日都經常與男友二人世界了。問到他們會否與朋友交換聖誕禮物？關楚耀笑指試過抽到生抽、豉油做禮物：「因為我會煮嘢食，所以都OK嘅，不過我啲朋友就會起哄，就算收到兩條廁紙我都OK，都用到個幾月㗎，慳到幾十蚊。」
JW又分享幫男友包裝準備拿去交換禮物的鬼馬主意，她笑說：「份禮物係用掃把、垃圾剷及筲箕組成，我幫佢包到成個風扇咁，佢每年都用好多心思去設計呢啲㗎，不過佢唔會送呢啲畀我嘅。」
談到工作，關楚耀透露最近工作減少，坦言休息了很久，要到明年一月初才再有活動。JW就表示稍後會與陳奐仁到澳門為新年倒數演出，她很開心可跟陳奐仁同台演出， 因之前對方曾寫過《男人信什麼》給她，但未有機會合唱。