■湯怡大派自製月餅。香港文匯報訊 明天就是中秋佳節，湯怡（Kathy）於近年的中秋節，亦會自家製月餅送給同事朋友。由於月餅不能存放太久，因此只能夠於中秋節前幾天開始製作，不過如遇開戲日子，Kathy便要犧牲睡覺時間，捱更抵夜做月餅，十分有心。
Kathy表示其實一向對烹飪有興趣，從小到大都有跟媽咪學煮食，「早幾年開始都有報讀課程，學整唔同款式的月餅，所以每年都整三四款唔同口味畀大家試味，中秋節見到大家食得開心又可以同屋企人分享，我都好滿足。」她希望同事朋友收到月餅，能感受到她的心意。不過這次她製作月餅時不小心被焗爐燙傷，所以今年的月餅可謂有血有淚。
提到難忘的中秋節，Kathy表示小時候每年都會在屋企樓下玩蠟燭，Kathy說：「有一年家姐個好朋友帶埋細佬下來一齊玩，升中一之後，大家坐隔籬仲相認返，曾經展開過一段puppylove。」至於如何度過今年的中秋節，Kathy則謂要為下月電影開拍作訓練，「角色相當大挑戰，亦做了好多資料蒐集。所以今年中秋除了同屋企人食飯，多數都留在屋企睇電影，參考唔同角色。」