■Jessica(右二)跟Super Girls隊友拍攝賀年節目。香港文匯報訊（記者 李思穎）組合Super Girls（SG）成員趙慧珊（Aka）、蔡明思（Jessica）、吳嘉熙（Cheronna）、陳穎欣（Yanny）和李靜儀（Heidi）再度合體與主播許文軒及周奕瑋齊齊拍攝賀年特備節目，眾人大玩遊戲慶祝鼠年，更大談鼠年目標。
Aka去年逗過薛家燕的利是，果然一切都順利，故此，今年最希望逗到家燕姐的利是，如果加埋偶像容祖兒的利是，便更加無憾，她表示：「早已聽聞逗過家燕姐財神Look嘅利是會全年都好旺，好多Job，我上年逗過，放在床頭冇拆，跟住全年工作都好順利，又可以單飛出歌。」
已婚的Jessica今年第一年派雙封利是，她笑談最難忘的逗利是經驗：「最初入行新年期間見到陳慧琳，其實見到偶像好開心，想過去逗利是拎個意頭，但又好怕畀佢覺得自己好貪錢，側邊啲人係咁推我過去，搞到好尷尬。」她又說：「生B順其自然啦！過年啲親戚實會問，未結婚嗰時就會問結婚，結咗婚就會問生仔，生咗一個就會問你生唔生第二個。」而其他成員立即起哄，她們說：「你知就好啦！現在你結咗婚，個個都問我哋幾時排隊結婚，好煩！」問及早前甩拖的Cheronna有否催谷自己的愛情運時，她笑說：「我唔需要呢啲嘢！唔要呀！唔好再問我！我要財運！」