■一哥笑言有聽志偉的《開心字典》。香港文匯報訊 香港明星足球隊經常與不同團隊進行友誼賽、慈善賽，昨日網上流出一條影片，警務處處長鄧炳強聯同晨曦足球隊和明星足球隊齊齊食飯，席上一哥鄧炳強更上台發言，台下藝人包括有成龍、曾志偉、譚詠麟（Alan）、方中信、盧惠光、林國斌等人。聽到他的發言，原來一哥講話很貼地，亦非常有幽默感。
早前明星足球隊就與晨曦、警察踢波後再聯歡，更邀請警務處處長鄧炳強到場，現場氣氛非常好，過去數月人稱一哥鄧炳強表現決策果斷，舌戰黃黑區議員贏盡掌聲。一哥開口盡顯幽默兼帶感性。
他說：「首先，好多謝晨曦同明星足球隊，今日同我哋踢波仲一齊食飯。多謝晒！首先我好多謝我警隊的兄弟，因為真係好撐我。另外，我好興奮因為見到好多偶像，由成龍大哥開始到Alan，到志偉到阿Ben，到咁多位，全部都係我偶像，所以我心跳得好緊要。其實點解的人話去區議會講嘢咁叻呢，因為聽志偉嗰的《開心字典》，就係咁學到。另外，我做警察係學成龍大哥，方中信，全部都學你哋，我唔知點做警察㗎，睇你哋睇睇下識做啦。」
之後指着譚詠麟幽默地說：其實我好憎你，因為我老婆鍾意你多過我，（Alan即說：嘩，呢樣咁大罪名）無辦法啦，我都鍾意你。今日真係多謝咁多位踢波嘅朋友同咁多位演藝嘅朋友，其實大家係老友，全部在心中，唔使講嘢㗎啦，只要你畀個手指公我哋，我哋赴湯蹈火在所不辭。」席上的人歡呼講：「靠晒你哋！」
成龍、曾志偉、譚詠麟都很高興激情地叫大家唱歌：「過嚟啦，我哋唱《朋友》。不管我哋是哪一個階級，哪一層，我哋永遠都係朋友。Alan接着說：「咩時候見真情呢？患難就見真情。」成龍笑住話志偉、Alan：「我係南斯拉夫個腦開刀嘅時候，呢個朋友吹緊口哨......」大家在歡樂聲中互相打氣。