■伍姑娘(中)稱讚四位後輩都口齒伶俐。香港文匯報訊（記者 梁靜儀）伍詠薇（伍姑娘）昨日聯同王頌茵、余逸思、曾贊學及朱晉傑出席ViuTV全新直播節目《埋嚟睇 埋嚟玩》記者會，擔任主持的伍姑娘透露節目內會派錢，一個禮拜起碼派兩萬港元。
伍姑娘表示因應疫情持續，大家都留在家中冇街去，所以ViuTV就製作這個半小時直播的綜藝節目，希望大家開心一番：「我都係首次主持呢類節目，本身我係宅女，但聽完節目內容覺得好有趣，而個節目會派錢，好好玩，又可以同觀眾電話互動，好啱我性格，所以捱夜拍攝都接。」首次同ViuTV合作，伍姑娘表示台前幕後都很陌生，不過四位後輩都口齒伶俐，有時反而要他們提點，加上她作為前輩沒有架子之餘，又被鬧得，所以大家培養到很好的默契且很愉快，希望捱到三十集。
另外，日前51歲生日的伍姑娘，表示今年原本想搞慶祝活動，但疫情越來越嚴重，契細佬陳山聰就威嚇她：「山聰鬧我再唔出嚟就再割席，正日嗰日就同佢、陳敏之三pair人食飯慶祝，佢老婆大住肚都有嚟。」問到老公有何表示？伍姑娘直言老公沒有送禮物：「我話唔使送，因大家每日一齊生活，生存到又健康冇病冇痛已係最大禮物，不過我呼籲朋友可以送三眼仔手機畀我，因我想換電話。」