■蘇慧恩(右)與施匡翹(左)希望可作多方面發展。香港文匯報訊 蘇慧恩及施匡翹兩位同門歌手日前齊齊作客TVB娛樂新聞台節目《StarTalk》，接受主播許文軒專訪，二人大談入行唱歌感受。她們皆希望可作多方面發展，蘇慧恩說：「除咗唱歌之外，拍劇拍戲都有興趣，細個都有玩話劇。」蘇慧恩由參加《超級巨聲》到現在已有11年，她說：「入行咁耐，經歷咗好多嘢，有時都遇到好多批評，最介意係話我瘦到好似厭食症，細個170cm高，但得80磅，出街好多人指指點點好唔開心，搞到我要飲增肥奶粉增肥。」
談及心願，施匡翹表示希望可以與偶像合作，她說：「好想搵我偶像周潤發一齊拍MV，我啲朋友成日行山都見到佢，但我從來都冇捕獲過。另外我希望可以同鄭秀文合作，因為未入行前試過同佢拍廣告，現在我做咗歌手，如果可以同佢合唱我會覺得好有意義。」