■朱晨麗與海俊傑扮鬼臉。洪永城捲「鹹豬嘴」風波拒再合作？
香港文匯報訊（記者 梁靜儀）無綫劇集《法證先鋒IV》本周進入結局篇，昨日劇中一眾演員，包括譚俊彥、陳煒、朱晨麗、張曦雯、張穎康及海俊傑等出席宣傳活動，並即場公佈16至20集七天跨平台總收視達35.4點，逾2,318,000人收看，而前晚播出的第26集直播收視高達36點，逾2,356,000人收看，成績斐然。不過昨日焦點落在朱晨麗身上，有指她早前大爆拍劇時被洪永城擅自加親熱戲，惹來男方「鹹豬嘴」疑雲，近日舊事再被重提，有指二人因而反目，洪永城更拒絕再與朱晨麗合作，對此，朱晨麗指自己所講每一樣都不是生安白造，但她對洪永城並無芥蒂。
劇集即將大結局，梅小青表示進入倒數階段感到很不捨，很開心近日很多人都問她是否開拍第五輯，大家留意大結局就會有分曉。有傳她為開拍第五輯而修改結局留伏線？她否認道：「冇改結局，因為劇本要去送檢，所以一早已寫好，為唔想洩露終極結局，所以連演員都唔知。」至於是否會找佘詩曼和鍾嘉欣回巢演出，她就大賣關子，表示若開拍這講法便成立，因兩位都是她很喜愛的演員，不過兒子想她退休。
譚俊彥與陳煒受訪時同樣表示對劇集即將播映大結局感不捨，對於盛傳該劇將開拍第五輯，陳煒表示之前聽監製梅小青透露大結局會留下伏線，不過演員都不會知道。說到劇集播出以來收視都有好成績，譚俊彥指目前是抗疫非常時期，大家安在家中睇電視才是最安全，他都盡量減少外出，有時去過人多的地方都不敢除下口罩。
陳煒認為朱洪欠缺溝通
提到近日盛傳朱晨麗與洪永城因拍《多功能老婆》反目，男方更被指「鹹豬嘴」，以致劇集開拍續集兩個只能留一個？有份拍該劇的陳煒說：「冇聽聞拍續集，可能兩個欠缺溝通，溝通吓好少少，唔係咁大件事。」
曾跟朱晨麗合作劇集《特技人》的譚俊彥就說：「呢啲留返畀當事人講，拍戲前都會溝通好，反而有場戲係佢（指朱晨麗）冇講就錫我，有時導演就係想要演員突如其來嘅反應，專業演員唔會諗太多。」他又稱和煒哥私下是朋友，也會相約一齊食飯，雖然他已婚，跟女演員食飯可能會有少少敏感，但演員都有正常社交的。
朱晨麗被問到與洪永城可會再有合作？她說：「隔咗咁耐仲提？我對洪永城冇芥蒂，再合作都係睇公司安排。（洪永城暗示同你永不合作？）如果將來合作都係公司安排，我冇乜嘢嘅。（陳煒話你哋欠缺溝通？）我有同洪永城溝通，好似正常朋友咁溝通。（拍攝前有冇溝通？） 我所講每一樣都唔係生安白造，事後我有唔止一次安慰佢，有同佢講唔好意思，大家唔好將件事放大，都隔咗好耐。（洪永城話對你no comment？）冇咩點睇。（會唔會再同佢解釋？）之前都做過喇，如果有需要，我都OK。」她又稱不怕事件會嚇怕其他男演員，而事件發生後與洪永城未有碰過面，見到也不會尷尬，又否認事件是有心將對方擺上枱，並再次叫大家不要將事件放大。