■涉事的耿姓輔警去年區選前夕曾為泛暴派「拉票」。 fb截圖暴徒為咗削弱警力同取得警方內部資訊，竟派「黃絲」做臥底？有網民喺facebook爆料，話有個姓耿嘅輔警，經常喺社交媒體發放支持暴動嘅言論，不但稱呼暴徒做「手足」，更喺警方驅逐佔領理工大學嘅暴徒期間，呼籲網民「聽日poly救人」。該網民想搵多啲資料嘅時候，該名「臥底」已刪除所有「罪證」，企圖「毀屍滅跡」，好彩網民當時有截圖保留證據，並呼籲警方盡快調查，清除瘀血。
曾狂言愛攬炒 「血債只有血償」
有關帖文顯示該名耿姓「臥底」嘅中英文名、輔警編號同駐守地點。爆料人話該名「臥底」「極度深黃」，曾喺fb話「我愛『攬炒』」同「要救『手足』」，所以懷疑佢係潛入警隊嘅「黃絲」臥底。
根據截圖所見，着住輔警制服嘅耿攞住一束花，花牌就上寫住佢嘅名。佢曾經喺其他post狂言「五大訴求、缺一不可」，甚至喺上年區議會選舉前夕幫泛暴派「拉票」：「血債從來只有血償冇票償...唔該唔好成日講血債票償！『手足』既（嘅）生命同前途唔係區選可以償還到既（嘅）！」
唔少網民一睇完就火滾。「Maggie Yong」大鬧：「一定要清除警隊的害群之馬，唔可以放過，特別以輔警最嚴重，離曬（晒）大譜！」「Connie Cheng」亦促請警方盡快跟進：「 一哥快啲做嘢，清瘀血！」「Cecilia Wong」就為佢「解釋」：「 可能警察制服太靚才做輔警吧！但請你把制服脫下，你不配穿起！」 ■香港文匯報記者 雨航