■ 何嘉莉表示老公也有幫手湊仔。香港文匯報訊 （記者 梁靜儀）何嘉莉昨日到電台接受訪問，育有三個小朋友的她，表示今個母親節會簡單留在家中慶祝，因為帶住他們出街好大陣仗。嘉莉表示過往母親節都會收到七歲大仔親手整的心意卡，卡上更寫上「媽媽我愛你」，問到收到時會否很冧？她坦白說：「第一次收到都幾激動，有少少眼濕濕，都有保留住，但平時啲勞作因為太多唔會儲，影低張相就算，然後偷偷哋掉咗去，個仔問起就話『唔知喎，收埋咗去邊？』。」
平日忙於湊小朋友的嘉莉，表示兩個女兒分別兩歲和一歲，雖然有工人姐姐幫手，但都很辛苦：「我喺屋企通常做衰人角色，會着重小朋友品行、禮貌，我會要個仔自己執衫同洗碗。」問到老公可有幫手湊小朋友？她指老公是飛機師，但近期因為航班減少，載客少了，變為載貨多，所以都多了時間留在家中，但也因此而多了摩擦：「多咗摩擦係少不免，但都OK，老公都有幫手湊仔，等佢感受吓我嘅辛苦。」本身做KOL的她，表示每晚要待小朋友睡覺，九時後才可做自己的工作。