■馮盈盈表示追求者極多。香港文匯報訊 （記者 梁靜儀）黎諾懿、馮盈盈、朱凱婷、陸浩明、麥美恩、林盛斌（Bob）及郭子豪等，昨日到電視城出席《big big shop感謝祭》記者會。
馮盈盈近日在社交網自爆上星期六與戴祖儀（Joey）因亂入路邊花叢中影相，結果齊齊中了「花毒」，「中毒」後首次公開現身的盈盈精神看來不俗：「 經過一晚休息後已沒大礙 ，當晚Joey感到暈陀陀，我就迷迷糊糊同頭暈，當時我本來想睇《學是學非》，但打開電視就做緊呂珊演唱會，成個人都錯亂咗， 第二日起身就作嘔，原來我哋係掂到「夾竹桃」，係會有毒，嚴重更會致命。」盈盈表示事後沒有去睇醫生，只是多飲水及睡覺，問到追求者可有關心她？她笑說：「有，唔好以為我得一個追求者，我Market好大，有網民話我講嘢太大聲驚我冇着落，其實我正努力畀大家見到我文靜同有氣質一面，大家唔使心急，有好消息會同大家講。」至於前度男友醫生寶寶及緋聞男友鄭衍峰可有慰問？盈盈說：「有，個個朋友都有關心我，家人都擔心我，加上我又一個人住。」
問到與鄭衍峰可有發展機會時，盈盈就坦言會持開放態度：「我正好努力為將來發展，對所有可能性都持開放態度，但唔心急，（可感到對方正在追求中？）又唔太覺得，我哋以朋友方式相處，（可符合做你男友的條件？）我要有幽默感、傾得埋同搞笑，佢都啱，身邊好多朋友都符合呢個條件。（有指你搬出來居住係為咗二人有更多時間相處？）我搬出來住係想學習照顧自己，因為踏入廿五歲係成熟女士，唔可以再依賴屋企。」盈盈強調鄭衍峰沒有拜訪過其香閨，因新居面積太細，要執好屋才舉行入伙派對。」
黎諾懿：酒醉不會做錯事
黎諾懿日前上載與太太李潔瑩的合照，祝賀太太36歲生日，諾懿表示太太 5月2日生日，當晚跟太太二人世界食日本菜慶祝，他說：「我哋去嗰間日本曙U係伊健介紹，咁啱老闆娘係太太中學同學，當晚敘舊好開心，我哋三個一齊食飯、一齊飲酒，結果我都係醉咗返屋企。」諾懿自爆每次喝醉酒都會醉到不省人事，但絕對不會做錯事，不過翌日酒醒後就發覺自己光脫脫躺在沙發上，幸好有條毛巾遮住，「不過條毛巾唔知係太太定係菲傭姐姐幫手蓋上。」
問到他還送了什麼禮物給太太？他表示出糧大部分的錢都交給老婆，笑言要買昂貴禮物給老婆已經沒有錢了，只好送個女兒給她，因兒子小春雞已三歲，也是時候生多個。問到可有趁有酒意造人？他笑說：「疫情過去就會造人，上一胎生仔都係喺我拍緊劇好忙嘅時候『中』，今次可能都係要開工好忙，無心插柳就得。」