■ 李幸倪透過視像通話向父晒「紋身」。香港文匯報訊（記者 李思穎）李幸倪（Gin Lee）為宣傳年度首支派台歌《敢》，素來孝順的她，不惜找來爸爸做整蠱對象，瞞騙爸爸在身上紋上「孝順父母」，豈料李爸爸的幽默對答笑翻全場。
Gin配合新歌《敢》主題，先後接受多項挑戰，日前更獻出人生第一次，透過視像通話整蠱遠在馬來西亞的爸爸。接通電話後，Gin向爸爸透露近日為《敢》宣傳，並接受了一連串考驗，她小心翼翼地向父親道歉，「打嚟想同你講唔好意思，因為我冇事先同你講，希望你唔好嬲，我去咗紋身。」李爸爸聞言即謂：「吓？你係咪傻咗？」Gin更即場爆肚，指自己在背上紋了「孝順父母」，氹得李爸爸笑到見牙唔見眼，還反問她何不紋上「精忠報國」，爆笑全場。後來Gin向爸爸騷出手腕內側的咖啡杯印水紙，冧爆表示深知對方愛喝咖啡，因此刺上圖案，見啡如見人；還說自己紋上癮，打算再添爵士鼓刺青，嚇得李爸爸出言勸阻，Gin難忍笑意，最終向爸爸「自首」，坦言只是玩笑一場。不過她卻做了更驚人的事情，就是幫人紋身，令李爸爸不禁爆笑：「邊個咁陰公啊，哈哈。」Gin還說未來會增進技術，希望親自為父親刺青，李爸爸卻毫不領情：「唔好搞我啊，你紋媽咪啦，我冇咁嘅勇氣，你敢紋，我唔敢畀你紋啊。」
Gin和家人感情要好，可是因疫情關係，暫時大家分隔兩地都不能見面，所以好多時透過視像通話，隔着熒幕一齊食飯、一齊飲杯，好似感覺到屋企人在身邊，以解思鄉之苦。