「港獨」組織照計同「攬炒」媒體應該臭味相投吖，何解一丘之貉會狗咬狗骨呢？《蘋果日報》（毒果）噚日用頭版呼籲班「黃絲」用一人一信乞求美國狂人總統特朗普「救」香港， 仲要Hashtag（標籤）「TrumpSavesHK」，大家都一定覺得班「漢奸」會前呼後應、狼狽為奸啦，點知一直乞求美國用所謂《香港人權與民主法案》制裁香港嘅「中箭」（香港眾志）秘書長河童（黃之鋒）竟然喺facebook發帖話：「睇到真係覺得有啲骨痹同埋肉麻」，仲話若果美國眾議院議長佩洛西個幕僚電郵要佢解釋「點解會咁」點算。唔少網民質疑，毒果肉麻啲啫，「佩洛西個幕僚」都可能會電郵搵佢問責，咁河童都真係幾「得寵」喎！
係咪得寵就唔知，但係咁關顧主人嘅感受，漢奸嚟講就真係做足本分喇。河童喺篇貼文鬧毒果：「表露無遺畫公仔畫出腸叫（美國共和黨）特朗普拯救香港......睇到真係覺得有啲骨痹同埋肉麻......美國民主黨嘅國會議員睇到有咩感覺？萬一聽日佩洛西個幕僚email問我點解會咁，我諗要有一個完整說法都唔係咁容易。」
見到河童咁踩毒果，自然有唔少「不分化」掛嘴邊嘅「黃絲」寸返佢啦！好似「Alex Ho」就圖文並茂咁話：「你又拎住trump trump（特朗普）簽名影相？」
至於美國總統唔代表跨黨派嘅河童邏輯，唔少網民就話「笑咗」！「Kong Chun Yin」話：「笑左（咗）！民主黨上場會唔會仲強硬對付中國都成問題啦！日日係（喺）度幫貝落西（佩洛西）奶×反trump（特朗普）鬼唔知你地（哋）同美國既（嘅）聯繫從來唔包共和黨咩！」佢仲質疑美國民主黨根本唔係想「對香港有益」，鬧河童「脫離現實」、「私怨行先」。
「Le Klein Yeung」就教返河童啲簡單邏輯：「講president（特朗普）係講緊佢嘅權威，唔通一人一信去佩洛西？如果work，都做呀。」「Pak Kei Wong」都鬧河童：「我×你老×啦，唔係搵人哋國家個總統求救，唔通搵你嗰啲濕×議員求救？唔×識政治就返屋企啦，死政棍。仲話自己香港自己救，學你話齋『u no gun』（革命是要軍火的）呀，×樣！」「Anton T Wong」更直言：「你叫佢救你姐（啫）其實，扮乜×救香港，收埋收埋咁多黑金驚冇命洗（使）呢？」
皇帝唔急漢奸急，鬧人骨痹肉麻？唉！蛇鼠一窩，辱人賤行。 ■香港文匯報記者 黃書蘭
