■劉佩玥認上周志文屋企。香港文匯報訊（記者 梁靜儀）劉佩玥（Moon）、胡鴻鈞、譚凱琪（Zoie）、鄧佩儀、譚嘉儀及謝雪心等，昨日出席 《降魔的2.0》「疫境同行」活動，送贈抗疫物品予的士從業員。Moon被拍到上緋聞男友周志文屋企，阿Moon大方承認，並認為是好正常的事，跟男方家人都相熟，她打趣說：「咁證明我真的好入屋。」
劇中阿Moon要穿上婚紗，說到其父母目前最大的心願可能是看到她出嫁？阿Moon指家人從來沒有向她催婚，亦相信很多媽媽都不想女兒太快出嫁，她都希望有更多時間陪伴父母身邊。
近日阿Moon被拍到上緋聞男友周志文屋企，阿Moon未有否認：「去朋友屋企玩，由細到大都係好正常嘅事，都係去玩同傾偈， （報道指你哋孤男寡女？ ）絕對唔係孤男寡女，佢同父母一齊住。」她又自爆也有去周志文的孖生弟弟周志康屋企，跟他的女兒一齊玩：「其實我同佢哋屋企人都好熟，好多男女同事都有去過佢屋企，咁證明我真的好入屋。」當問到周家一家是否都很喜歡她？阿Moon即自誇：「我咁可愛，好多長輩都喜歡我，可能我屋企都有老人家，會識得氹老人家。」
胡鴻鈞想找蔡思貝練吻戲
胡鴻鈞與Zoie表示有追看自己的演出，說到日前播出他強吻鄧佩儀一集，胡鴻鈞笑說：「唔係強吻，雙方係你情我願，相信佢好開心。（你呢？）三生有幸。」Zoie即笑問他：「你有冇俾人扭耳仔？」胡鴻鈞即裝傻反問：「冇呀，邊個扭我？媽咪？佢最多話我做得唔夠好。」他又透露之後仍會有咀戲，而今次並非他的熒幕初吻。他笑說現實生活經驗唔夠，想請教Zoie。問他沒對象練習？他說：「未有呀，好失望。（緋聞女友蔡思貝呢？）仲未有呢個機會，（叫思貝幫你練習演技？）絕對有分享做戲經驗，會多啲請教吽A（咀戲使唔使請教佢？）所有關於做戲都會請教佢。」
至於Zoie婚後拍咀戲可會避忌？她說：「老公接受能力較高，當然要睇劇情，佢都大方。」