■ 左起：方力申、周柏豪和胡鴻鈞一同出席籃球賽活動。香港文匯報訊（記者 梁靜儀）方力申（小方）、周柏豪、胡鴻鈞、馮允謙及蘇皓兒，昨日到九龍灣出席籃球賽活動，泳術了得的小方表示雖然自己打籃球不及游泳叻，但都曾跟張繼聰等人組了籃球隊近十年，並經常到很多學校比賽。至於其游泳學校將於七月重開，但受疫情影響，損失慘重，他直言蝕到入肉，只好向政府申請資助及借貸數十萬元作周轉。
小方表示受疫情影響，由一月至今工作量很少，十隻手指數得出，直至近日很開心能參演抗疫電影《總是有愛在隔離》，不過他自爆拍到周身骨痛：「錢嘉樂安排動作戲畀我拍，拍咗三日戲，一日文戲，兩日動作戲，拍完痛咗三日，不過都好開心，可以同古天樂有對手戲。」至於他的游泳學校，小方透露將於七月重開，之前因受疫情影響，雖然學校停課，但他仍要出糧給員工及還有其他支出，故他也有向政府申請資助及借貸數十萬元作周轉，問到是否損失慘重？小方大嘆：「蝕到入肉。」
談到有傳前度女友鄧麗欣（Stephy）與男友邱勝翊（王子）感情轉淡，並與他翻撻，小方否認道：「我好唔八卦，唔知點解有呢啲新聞出來，都係無中生有，可能人哋有新戲上，（你都好留意Stephy？）雖然我係好多重身份，但真正身份係娛樂人。」他直言有睇過Stephy主演的新片，因為金像獎中他有份投票。問到二人可有聯絡？他表示很少聯絡，並強調不知對方的感情事。當問到疫情期間如此空閒可有認識到女仔？他大呻：「冇呀，好失望！」
柏豪賀余文樂迎二胎
周柏豪球技並沒生疏，因他都有幾次相約洪永城及胡鴻鈞到屋企的會所租場打波，問到他們可有計劃組籃球隊？柏豪稱絕對可以：「因為可以聚吓，唔只得頒獎禮至見到，一年都見唔到幾次，好sad。」問到他可有讓囡囡接觸籃球？柏豪笑說：「囡囡好鍾意掂波，佢鍾意顏色鮮艷嘅嘢。」說到女兒便滔滔不絕的他又透露，女兒下星期便七個月大，已識叫爸爸媽媽，令他十分冧，並說：「生活受疫情影響，但阿女畀咗我好大寄託，好感恩有佢加入，（有冇計劃追個仔？）冇所謂，因為太太開刀生，要等佢復元先，醫生都建議等囡囡一歲大先再追，（打算生幾多個？）一家四口就夠。」
曾與余文樂傳不和的柏豪，又主動提到知道對方近日公布了太太第二胎是佗女的喜訊，都很戥對方開心，他說：「有恭喜佢，聽聞佢住喺台灣好難見面，但大家有聯絡。」
談到剛過去的父親節，柏豪直言首次以父親身份過父親節，感受比自己生日更大，但笑言不敢讓母親知道，始終母親很辛苦生自己出來。他透露當日留在家食飯慶祝，認為一家人聚在一起已是最好的禮物及已好感恩，人愈大愈要懂珍惜與家人相聚時間。他又稱當了爸爸後更體會到做父母很犀利和偉大：「自己湊一個，又有父母同助手幫忙都好吃力，以前啲父母要湊幾個，仲要搵食同照顧家庭，真係要向佢哋致敬。」