第一場、第五班、一六五○米。蔡約翰練馬一向公認叻，並好少五班馬，不過今期「醉翁意」可算考起佢，因為呢匹四歲馬在港跑咗十九次只得三P，評分更降到廿二分，如果輸埋今場，隨時跌到廿分或以下，咁今季後就要被硬性淘汰。「醉翁意」馬主愛馬者團體成員係蔡廄忠實擁躉，好似馬會大董利子厚有匹「天下為攻」，仲有經理人林棣權「得意繽紛」都係支持蔡廄，咁現時「醉翁意」都應該會鍊盡求交代。此駒上次回跑谷草一哩用田泰安出擊得第二，今次馬房打王牌報同程，應該有料到啦。
第八場、第三班、一○○○米。運抵香港服役來自日本的自購馬不多，其中一匹近季表現比較出色的日本自購馬就是呂廄「錶之銳」，今季先後兩勝三班泥地千二米。可能因為「錶之銳」成績理想，錶系幕後決定添食，引入另一匹四歲日本自購馬來港，那就是「錶之鈴」。此駒角逐今次夜賽三班一千米，雄馬「錶之鈴」在日本出賽十二次，全部在泥地賽角逐，得三冠五亞一季，於彼邦開齋一仗，鞍上人正是莫雷拉。「錶之鈴」三月初來港後試過三課大閘，練者放棄替牠報戰上周日泥賽而改跑今次谷草場地，隨時有驚喜演出。