唔經唔覺今季賽事已經跑完，回說上周田草煞科日頭場摩廄「一代莊主」（圖上駒）影贏「明月昇輝」（圖下駒），網上又掀起討論，好多人話外欄「明月昇輝」似係先到終點，但最終馬會判「一代莊主」先觸線，情況同上次摩廄「南區寶」啄贏「駿爵士」一樣！賽後馬會賽事秘書處經理郭前講返當日頭場馬會大螢幕出現祝賀「明月昇輝」馬主程凱信先生嘅畫面，郭前解釋係影視部同事睇完衝線，冇等正式判決時就出咗畫面，呢個係影視部有錯誤，佢哋會調查出錯原因，同埋為今次錯誤致歉。至於張相嘅問題，有發覺條線唔係1.22.00呢個時間，但嗰條線嘅時候係1.21.996，佢哋一貫做法係四捨五入，時間係1.22.00。至於問到張相會放到幾大去分勝負，郭前就話今次同以往做法一樣，係放大200%去睇，如果都分唔到勝負，先至會判平頭。順帶一提，頭場騎「明月昇輝」鬥輸嘅田泰安，都有現身並用手機拍下終點判決相，睇嚟妏鵀菑v影輸都抱有疑問。
外地馬圈消息方面，最近馬會轉播唔少英國賽事，當中最令人失望嘅明星馬，肯定係舊年嘅歐洲兩歲王，藍營高多芬名下嘅「呂宋火山」。呢匹去年六戰全勝嘅佳駟，今年復出先跑英國二千堅尼，被捧成大熱，點知只能跑第三，表現令人失望。喺上月中嘅英國皇家雅士谷賽期，「呂宋火山」角逐聖詹姆士皇宮錦標，可惜輸俾「海上宮殿」獲亞。不過，「呂宋火山」日前轉戰法國多維爾馬場，角逐一級莊柏德大賽，唔知係咪因為縮程嘅關係，呢匹三歲馬終於回復本色，擊敗岳伯仁嘅「文壇怪傑」，喺布宜學胯下贏番場一級賽。另外，最近歐洲啲女騎師認真犀利，早前先見到廿三歲女將杜苑欣喺英國新市場馬場勇奪二級賽太子妃錦標，攞到坉熙鶪嶸鰻伈荍Q。近日就輪到今年年初喺日本地方馬場客串，兼且大受歡迎嘅法國靚女騎師麥晴欣發威，佢喺意大利在羅馬馬場，夥拍Walderbe贏出一場二千四百米三級賽卡羅迪阿里斯錦標，亦係佢首次揚威分級賽。對於麥晴欣嚟講，今場頭馬真係意義重大，事關佢上月初已經策騎Walderbe喺意大利跑三級賽，可惜輸條頸俾巫斯義嘅坐騎，佢當時已經話好期待再騎Walderbe，估唔到今次再度合作立即補中，同時擊敗戴圖理嘅坐騎Time Shanakill，難怪麥晴欣都喺自己嘅社交平台報喜啦。