■ 江嘉敏不介意被黃嘉樂取笑。香港文匯報訊 （記者 梁靜儀）黃嘉樂、江嘉敏、林景程、吳沚默等昨日到電視城出席明珠台《好醫生》第三季記者會，眾人以醫生造型現身。
黃嘉樂曾在《白色強人》中飾演醫生，對於會否有份參與續集拍攝暫時仍未知，他表示近日都忙於拍另一套劇《我家無難事》，因為撞了期，未知可唔可以拍到其他劇。
在《我》劇中他與楊明更不乏對手戲，兩人更有疑似hehe關係。嘉樂表示昨早才與楊明同場，問到他楊明的狀態如何？嘉樂說：「佢都幾精靈，今朝 （29日）仲拍一場同佢分手嘅戲，（楊明有冇揸車返工？ ）我唔見佢揸車喎， 因我遲過佢走，（會唔會載佢一程？ ）之後有需要我都會車埋佢，不過佢都有個『寶貝』（莊思明）車佢啦！」問到莊思明可有探班？嘉樂表示未見思明出現，不過他笑說：「我都會同莊思明講聲，我會同楊明有一場錫錫戲，（驚唔驚同楊明錫錫會令到莊思明呷醋？）我怕自己女友呷醋多啲，思明好大方，（之前傳楊明與女演員拍戲思明去監場？）啲人亂講啫。」
另外，台上黃嘉樂對住江嘉敏笑說：「你要畀我醫，因為你冇腦。」江嘉敏受訪時被問到可會嬲？她笑說：「我唔敢同前輩頂嘴，同嘉樂合作三次，佢都係演我男友，好鬼熟，否則打佢。」她自言都是玩得之人，但底線是不能涉及身邊人，好似家人或朋友。
首次穿上醫生袍的她表示：「從小到大夢想就係做醫生， 無奈成績唔允許，我驚醫死人，（唔怕血？）我唔驚出面啲血，但驚自己啲血，以前成日流鼻血，所以係資深病人。」
嘉敏自爆近日正忙於拍《七公主》，因檔期問題以致未能接拍《金宵大廈2》，反而髮型問題可戴假髮拍攝。問到要她剪短髮拍戲可接受？她說：「剃光頭都OK，我睇過《金2》劇本，角色好有發揮， 接拍唔到好失望。」