香港文匯報訊 （記者 梁靜儀）周家怡相隔8年重返無綫拍劇，在新劇《兒科醫院》中飾演醫生的她，事前更做足資料蒐集，連拍檔關楚耀也讚她夠專業。
飾演醫生的家怡在對白中有不少專業名詞，她表示有一個技巧幫助記對白：「最大技巧係不停上網搜尋有關醫學的資料，當自己真係讀醫咁上堂，可能個人都似醫生多啲，因為有時講嘢嘅節奏，你好了解一件事講出嚟同齋背出嚟係唔同，所以唯有由事前功夫做起。」
家怡對工作的認真，就連拍檔關楚耀亦對她大讚不已：「有次我同家怡拍完戲，收工後都忍唔住要同朋友講：『家怡呢個演員真係犀利。』」劇中關楚耀飾演昏迷一段時間的病人，他初時也以為好輕鬆，但到真正拍攝時才知好辛苦：「故事講我失憶，瞓咗一段時間，初時聽到劇本，瞓住拍咁多集，好似好筍，但其實好辛苦，因為講我病情嚴重要插晒喉，為求真實，每次拍都真係喺個鼻輸入營養液，同埋瞓喺度唔郁係會瞓到痛，好彩有家怡幫我做推拿。」家怡笑言因演醫生，有些手勢都會識。
另外，關楚耀的胞妹關美美原定今年9月在西班牙小島舉行夢幻婚禮，但因疫情關係而受影響，關楚耀指都無辦法，最緊要大家開心，笑言都慳返不少。問到他又可有結婚計劃？他笑說：「都未知，難得呢排多咗工作機會，衝刺先啦，冇時間去諗結婚。」
