■ 張達明日前擔任苑瓊丹節目《開工大吉77》的嘉賓，並罕有地提及家人。香港文匯報訊（記者 李思穎）張達明日前為老友苑瓊丹主持的香港開電視節目《開工大吉77》擔任嘉賓，經歷過一場大病的達明尚未完全康復，但盡量「包裝」谷肥自己見人。
達明笑指去年首次做電影監製，碌卡邀請「苑苑」客串，對方仗義補拍戲份，所以一口答允今次訪問。達明在圈中打滾多年，台前幕後都參與其中，但最愛仍是老本行演棟篤笑：「在我病後可以圓監製夢，不過多年來最鍾意都係做棟篤笑，因為夠晒即興，試過做做吓唔記得對白，錯晒都照做落去，偏偏成為最好笑嗰一段。」
早年忙於工作 愧對子女
達明抗癌多年，未完全康復，盡量「包裝」自己見人：「好似今日要見苑仔，我咪化個妝，食返肥啲睇落飽滿啲。𠵱家我都呼籲各大監製搵我演皇帝呢類角色，坐喺度等人服侍，加上我做過周星馳同劉德華電影嘅皇帝，所以係『皇帝專業戶』。」而他早年因為工作離鄉別井，所以對家人有所愧疚：「梗係會啦，未病之前都有啦！當時去廣州拍戲，一走就要走半年，間中先返香港一日半日，離開仔女咁耐都有啲心痛。其實訪問我一向都少提家人，因為都係私事唔想交代，但係都想講多句，我嘅仔女對我好重要，係我人生最美麗嘅事，我係幸運兒，我會做所有嘅事令佢哋快樂。」