■「渣家軍人西炒車事件簿」圖文並茂狂踩「大渣哥茶記」的食物質素。 fb截圖如果「黃色經濟圈」咁好搵，「黃店」又使乜成日爭個你死我活吖。以「人血龍門（龍門冰室）」支持者為主嘅facebook專頁「渣家軍人西炒車事件簿」近日又搜集咗一堆不滿「大渣哥茶記」食物質素嘅評論，仲為大家搞咗個「大渣狗美食展」，包括生嘅「刺身豬扒」、乾柴雞扒、招牌「廚餘炒飯」、冰鎮腸仔炒蛋同「焦屍豬扒」等。不過，你咁樣係唔會令「黃絲」驚㗎，因為佢哋係食「信念」㗎嘛。
「渣家軍人西炒車事件簿」成員「Yan Wong」日前以「大渣狗美食展」為題發帖，話要為大家展示乜嘢叫刺身豬扒、乾柴雞扒、招牌廚餘炒飯、黑牛米粉拼大光麵、冰鎮腸仔炒蛋及鬆肉粉焦屍豬扒。
豬扒紅到似刺身
原來入面都係佢搜羅返嚟嘅食評，仲要好多都係負評，不過睇圖又真係幾核突吓，例如刺身豬扒生到仲見到紅色嘅肉，搞到好似刺身咁，唔怪得「黃絲」話「豬肉煮成medium rare（三成熟）唔多衛（衞）生喎」。另外又有人貼出煮燶咗嘅豬扒，形容係「受生化武器摧毀過嘅豬屍」??。
除咗扒外，食評又指腸仔同炒蛋都係凍冰冰嘅，「對於一份早餐唔夠熱來講真係大打折扣」，加上黑牛米粉無啦啦可以拼大光麵，都唔知想點。
至於賣73蚊唔包飲品嘅「大渣哥炒飯」，收費喺「黃店」快餐中都算進取，但個食評都係狂踩，話「炒飯一看就知不是熱辣出品，只有餘溫，毫無光澤，似冷飯多於炒飯......份（分）量也不多，男生未必夠飽。但品質實在難以入口，還是吃剩了。」食評都忍唔住話︰「已（以）店名『大渣哥』命名，實在有點自拆招牌。」
渣家軍還拖表忠
網民見到呢個「大渣狗美食展」都紛紛表示食唔落，睇到都反胃，叫「渣家軍」信徒自己食返佢哋個「信念」。「Ben Chow」譏︰「食就食啦×你，班信徒都未×。」「Will Chan」就話︰「個炒飯笑×左（咗），細×到咁收你73蚊，咁既（嘅）價錢我去大家樂都買到兩個飯，呢d（啲）唔係叫人血饅頭叫咩？」「CC Man」直言呢啲「信念」唔係一般人食嘅，「以佢嘅價錢，食物質素要高於一般茶餐廳水平才成正比，但宜（??）家真係......都係留返俾（畀）佢嘅信徒食啦。」
唔知龍粉咁搞法，渣家軍會唔會又整返個「龍門劣食展」呢？ ■香港文匯報記者 郭家好