■黃又南與蘇麗珊執屋都發現不少舊劇本。香港文匯報訊（記者 梁靜儀）黃又南、蘇麗珊、王敏奕、顧定軒等前晚到九展出席電影《冥通銀行特約：翻生爭霸戰》首映禮。
影片男女主角黃又南及蘇麗珊近日不約而同搬新居，又南說：「今次搬屋前我已好堅決話唔會理，要專心拍戲，都搵咗相熟朋友幫我手執嘢，點知我有120幾箱嘢，我仲搵返當年陳果等寫畀我嘅嘢，我都有拎返出嚟掛咗喺牆上。」又南指今次搬屋全因業主賣樓，他會繼續努力工作，希望間屋可以再住大一點。
蘇麗珊笑言搬屋時執出了近20袋紅白藍膠袋，所以要學習「斷捨離」。問到有什麼東西是不捨得掉去的？她說：「最唔捨得掉朋友寄畀我啲明信片，因為𠵱家好少人會寄信，係人哋嘅心意，都有幾箱，（舊情人的情信唔捨得掉？）過咗去就掉啦！」
王敏奕表示即將拍攝無綫新劇，會跟黃智雯及袁偉豪等合作，她說：「今次套劇對我嚟講好大挑戰，因為有好多動作戲，過兩日仲會學槍械，我仲剪短咗頭髮希望型啲。」因為今次她的角色同以往不同，自己都有點緊張，但監製揀了她定會好畀心機去做。剛簽約星夢做歌手的她，被問到會否唱埋主題曲？她笑言未諗到這一步，但有機會的話都想嘗試。
她又透露老公曾國祥日內便會返內地執導拍攝廣告，預計要在內地至少逗留1個月，而她拍劇又需時4個月，料有幾個月時間兩夫妻都不能見面，不過她說：「其實都習慣，我哋都OK。」