第六場､第三班､一○○○米。「和氣生財」上季喺谷草及田草一千米三度跑入第三，於三月一日落第後提早唞暑，練馬師於五月將牠送往從化休息，在八月初回港操練，早前在潘頓胯下試泥閘，輕鬆大勝對手，進幅驚人，今晚復出跑窄場一千，回配潘頓操刀人馬合拍，可作馬膽敲之。
第七場､第三班､一六五○米。「超趣」擅跑窄場，上季跑過谷草一哩十次，雖然六場跑入三甲，但講到對頭馬最有威脅嘅走勢，就係喺外疊衝刺；上次初出再跑同程，當晚沿內欄衝刺勁平輸六馬位；今場易配郭能執韁排四檔，只要騎者替牠走外疊衝刺，隨時會有令人驚喜演出。
第八場､第三班､一二○○米。「凱旋來」五歲南非自購馬，至今十五戰跑獲一冠一亞，頭馬喺上季評八十分勝出谷草C欄千二，打後元旦日田草一千上陣與「遨遊戰士」串Q；此駒現時減至六十七分新低，比起上季贏馬時足足低咗十三分，今次老霍搵到莫雷拉打硬仗非比尋常，不無偷襲之力。