今晚谷草安排八場賽事，頭場晚上七時十五分開跑，是次以C欄C加三跑道上演，三T有二百二十四萬多寶，馬迷不妨動動腦筋。練馬師方面，方嘉柏、蘇偉賢及葉楚航都派出不少實力馬參戰，可優先注意。騎師方面，雷神、潘頓及賀銘年也手執多匹惡馬，可作為扶手棍看待。
第一場、第四班、一二○○米。「南莊之歌」今季三戰谷草短途表現唔差，首仗配堯仔狂放，入直路腳軟跑獲接近嘅第八；前仗縮爭一千配潘頓留前鬥後，可是路程太短只跑第六；上仗易配巴度增程跑千二，後上凌厲追回一席配腳，證明留後跑才屬最佳戰略；今次續爭千二，絕對係開齋良機。
第二場、第五班、一六五○米。「甜酒杯」季內試過兩課大閘才復出，如果有留意方廄操練方法，有些馬並無試閘已上陣，而呢匹馬居然試夠兩課，除了希望大馬達到減磅效果之外，亦盡顯其肉緊程度，可是上仗初出谷草千二起步大慢閘，惟末段雷神力策下追回不少失地，今次增程一哩相信會更啱進取，值得一博。
第三場、第四班、一六五○米。「悅目星光」上季六月份一連兩仗同程僅負於「其利斷金」及「進力之城」，兩次跟上快步速亦只僅負強手難度不低；暑期在晨課所見勇態仍能維持，上回初出配皓楠仔，惟臨場有七倍分頭不乏捧場客下跑第五，如今省過一場再來，屆時有分頭可予一敲。
第四場、第四班、一○○○米。「駿爵士」前仗與「陽明亮亮」各自分享了半場頭馬，該仗前駒排在九檔起步，惟沒費多少工夫已經能夠楔入二疊中前的理想位置，加上發力點也掌握得好，大致上可以說已經騎到盡，所以就連評磅員只加四分也相當輕手；上仗廿九蚊大熱沿途走位與前仗接近，可是末段爆唔起只跑第四，今次隔了兩周縮爭一千，應有更佳發揮。
第五場、第四班、一六五○米。「幸運飛彈」上季煞科戰趕及贏馬打開勝門，當時以三歲馬身分贏谷草一哩，以賀賢訓練的質新馬而言，全熟後大有機會是能力高一班甚至以上的馬，現評分仍比插班時的五十二低，上仗初出大熱倒灶，不妨視為熱身性質，拚後勇熟持續扳升，小心散熱才見真章。
第六場、第三班、一○○○米。「帖木兒」大前仗易配莫雷拉角逐谷草一千，最終落第令人失望。賽後一再翻看巡邏片段，察覺到騎者早段的處理方法根本不足以令坐騎可放鬆競跑；打後回師田草一千，薛恩沿途擺前走，末段未能回氣只跑第三；上仗復爭谷草一千，換上田泰安採取留前鬥後跑法贏馬，估不到留後衝之下爆發力如斯驚人，今仗仍留三班，只要騎者發揮水準，當可贏得跨季孖寶。
第七場、第三班、一六五○米。「南莊加寶」去季雖然整季未勝，但只曾上陣五次，且每仗所負不遠，今季於谷草開鑼戰早早復出，配黃俊也交出悅目追勁跑入第五，健康及狀態俱見起色；熱身後翌仗改配擅鬥後勁的賀銘年，並轉排一檔，結果力拚入Q；上周三換潘頓再戰有心出擊，可惜太遲望空只跑第四，今次七日後匆匆再臨，跑出水準可望擔正。
第八場、第三班、一二○○米。「平常心」上季初出於沙田千二展示過銳利速度後，翌戰縮爭田草一千換上潘頓操刀，縱使牠在澳洲贏的是轉彎一千米，惟仍備受熱捧，結果跟了大半程便力弱潰敗，賽後潘頓解釋，指出馬匹受催策即失去步韻。踏入今季減至六十五分起步，上回初出泥地千二，沿途居中卻有追勢跑入第四，省過一場開氣今仗重返窄場出師，臨場有飛盯實為宜。