第五場、第四班、一六五○米。「日日靚」上季尾已向一哩發展，而且更初跑谷草一哩即殺低路程好手「陽明高高」，雖然僅以馬鼻位之微取勝，但就贏來極具說服力。「日日靚」前仗季內初出，於谷草千二米遇上極慢步速，末段快至廿二秒六之下，自身交出廿二秒二衝刺追回第四，其實已非常難得；跑過一仗開了氣回師一戰即勝的一哩，卻換上薛恩兵行險着，最終只得第三名，今次捲土重來可期本利歸還。
第六場、第三班、一○○○米。「和氣生財」周歲價三十六萬澳元，與同父馬「電子傳承」一樣，在澳洲時屬中國杰士馬主俱樂部名下，當地四戰兩勝於九百及千一米，兩次贏馬均以跟前及領放跑法勝出；上季來港四戰獲三季一第五名，這匹「有理共想」的同父馬上季已在陣上一再展示了速度，今季一早卜定潘頓試閘及快試親自主理，今次對手無多有力一出即勝。
第八場、第三班、一二○○米。「疾風勁草」上季來港登場，初期在陣上經常於直路爆一段追近，但一直與頭馬無緣，踏入季尾似乎已開始適應水土，表現有所進步，最後一戰喺黃俊胯下憑後勁勝出同程，出腳頗有蠻勁，姿態亦猶有餘勁；呢匹四歲愛爾蘭自購馬今季定更趨成熟，戰鬥力躍升，而且步法靈活，谷草急彎正合其發揮，操足而臨有力取跨季孖寶，值得捧場。