■「元朗監察議會聯盟」揶揄攬炒派兩面不是人是咎由自取。 fb截圖傳統「飯民」之前民調再民調，終於攞到自己可以留喺議會嘅「數據」，??家又口響話要「總辭」，俾同路人鬧爆多餘，亦俾普羅市民恥笑。「元朗監察議會聯盟」就喺facebook出post，同佢哋重溫返當日「飯民」扭擰緊要唔要留喺議會時，有超過九成人都想佢哋走人，揶揄佢哋搞到自己兩面不是人係抵死。
「元朗監察議會聯盟」貼返今年8月做嘅千人網上調查出嚟，話當時有93.9%民意認為傳統「飯民」唔應該接受延任安排，更有95.6%受訪者認為原本俾選舉主任DQ嘅楊岳橋、郭榮鏗、郭家麒、梁繼昌唔應該獲得延任。千辛萬苦延任後，攬炒派??家又要總辭，「元朗監察議會聯盟」就揶揄佢抵死。
「Wahmen Ho」揶揄攬炒派不嬲面皮厚，「全港五百萬人反對，佢哋一樣厚面皮留低，一年四百萬喎，去邊度搵呀？唔開工又可以出糧，拍下（吓）抬走人，又可以出糧。」「Alan Yu」就希望攬炒派早走早着，「走啦，有咁遠走咁遠，唔好阻住地球轉。」
網民拖埋攬炒區員落水
千辛萬苦延任後，??家又話要「總辭」，都唔知想嚇邊個，「Civic Hon Da」食住上話︰「最好同『本土』班區已完（區議員）一同攬炒總辭！」「梁鵬」亦話班人︰「走又唔走，留咗又要走，扭扭零（擰）零（擰），醜怪！......班區議員都要齊上齊落先得㗎！」不過，睇怕佢哋到時又會以「各自爬山」做藉口保住份糧㗎啦。 ■香港文匯報記者 郭家好