■羅力威開始感受到湊女的樂趣。羅力威曾對喊聲反感 疑患產後抑鬱
香港文匯報訊（記者 梁靜儀、李思穎）羅力威和太太雨僑誕下的囡囡羅約彌（Harper）剛慶祝完百日宴，不過這對新手爸媽在沒有請家傭和陪月幫手之下，在湊B的頭3個月真的有點束手無策，羅力威更自爆疑患有產後抑鬱，不僅對BB喊聲反感，更被老婆雨僑指他變得心煩氣躁，幸已適應過來，羅力威開始感受到湊女樂趣，只要囡囡報以一個笑容，已覺得自己大獲全勝，故此，他兩公婆齊齊鼓勵「爸爸們加油」！同樣今年誕下一女的羅子溢，除了工作外，就離不開女兒，每時每刻都被「小珍珠」的可愛融化。
羅力威在社交平台分享父女溫馨照，分別是抱住囡囡熟睡和充滿笑容相片，自喻已順利過關成為書僮，同時以爸爸角度分享頭三個月湊B的感受，BB出世後首先要照顧老婆，繼而是面對BB不斷喊，他留言指：「每隔幾個鐘醒一醒，次次唔定時同唔知搞幾耐，永遠無收工，嚟到兩個幾月佢已經可以瞓到9-10個鐘，可能知爸爸媽媽辛苦，體諒我哋......」「關於產後抑鬱我都唔係好知係乜，不過我估我其實中咗少少，老婆話返我知，我理解我嘅情況係對喊聲好反感，同唔理智既（嘅）人（BB）溝通唔到嘅時候，而你無地方發洩，因為你連鬧交都無對手，而咁簡單嘅食奶瞓覺道理， 點解唔明。感激過程中有親人幫，感謝部琴，任由我糟質發洩，感恩貓仔又乖又聽話，而我天生麗質無黑眼圈身體好，瞓少啲食少啲當減肥，IG典型懶係嘢格言，唔好覺得湊B感到沮喪失敗，因為最後見到個B望住你笑，也就是場仗大獲全勝之時，最後男人老狗無咩好講，爸爸們加油。」現時的他已懂得見招拆招。
雨僑也放上老公湊B的幸福照，並分享另一半做新手爸爸的變化：「自從我生咗之後，佢變得好怕凍，成日趁我餵餵吓奶熄咗我個冷氣，又用我啲薑包浸浴，吹親風又見頭痛虛弱。」「一段時間我真係好驚佢有產後抑鬱，因為突然多咗個BB都係一個幾大嘅轉變，需要時間適應，好在慢慢地BB戒夜奶，夜晚有返連續嘅一覺好重要，有休息就好好多，爸爸都係需要被關注嘅一群，偏偏男士又唔係好鍾意同人傾偈，而且每個人都有自己固執嘅位，有時一個方法人哋得你又唔得，但係小朋友總會大，唔會永遠都係同一個狀態，爸爸們加油。」她又指夫妻間都要互相包容。
羅子溢自拍被愛女搶鏡
至於羅子溢就有女萬事足，即使近日忙於拍攝《兒科醫生》，但每當有空閒便幫手湊女兒小珍珠，前晚他抱住前世情人來個大頭自拍，並上載到社交平台及留言：「忍不住！跟大家分享我的小珍珠！爸媽愛死你！不過你實在太搶鏡！」
已七個月大的小珍珠，遺傳了爸爸的大眼睛，精靈又可愛，跟爸爸合照時更識望鏡頭微笑，連育有兩個兒子的胡杏兒都有留言大讚可愛：「so cutie，好似你，又有啲似媽咪。」子溢就回覆杏兒：「有機會等BB們認識。」而育有一子的陳山聰，亦留言讚小珍珠pretty，有網民搞笑叫他對親家。